Чăваш Республикин вĕренÿ институчĕ йĕркеленипе 2022 çулхи кăрлачăн 12 – 24-мĕшĕсенче П. Хусанкай поэт çуралнăранпа 115 çул çитнине халалласа вĕрентекенсемпе вĕренекенсен пултарулăхĕн «Хусанкай вулавĕсем – 2022» регион фестивалĕ иртрĕ.

Фестивале Чăваш, Тутар, Пушкăрт Республикисенчен пĕтĕмпе 257 ачапа 43 учительпе культура ĕçченĕсем хутшăнчĕç. Вĕсем хăйсен пултарулăхне Петĕр Хусанкайăн сăввисене чăвашла, тутарла, вырăсла вуласа ÿкернĕ видеороликсем хатĕрлесе кăтартрĕç.

Палăртма кăмăллă, çак конкурсра Пăчăрлă Пашьел вăтам шкулĕнче вĕренекен  Копылова Д. призерсен йышне кĕнĕ (ертÿçи Н.Н. Угарина вĕрентекен). Вăл П. Хусанкайăн «Натали кĕпе тĕрлет» сăввине вуласа поэтăн шухăш-кăмăлне, ăшри ырлăхне сăмах витĕмĕпе кăтартма ăсталăх çитернĕ.