Чӑваш чӗлхине вӗрентес, аталантарас тата сыхласа хӑварас тесе, ҫитӗнекен ӑрӑва чӑваш йли-йӗркисемпе, культурипе паллаштарас тесе Пӑчӑрлӑ Пашьел вӑтам шкулӗнче нумай ӗҫ туса ирттереҫҫӗ. Ҫулсерен кунта чӑваш чӗлхипе литература эрни иртет. Кӑҫал вӑл  ака уйӑхӗн  20 мӗшӗнчен пуҫласа 25 –мӗшӗччен дистанци мелӗпе иртӗ.

            Паян чӑваш чӗлхипе литературине вӗрентекенсем уроксенче чӑваш халӑхӗн мухтавлӑ ҫыннин И.Я. Яковлевӑн пултарулӑхӗпе, ӗҫӗ-хӗлӗпе паллаштарчӗҫ. Ҫакна йӗркелеме электронлё презентацисем пулӑшрӗҫ. Кӗҫӗн классенче вӗренекенсем аслӑ вӗрентекенӗмӗр ҫырнӑ юмахсемпе паллашрӗҫ, унти сӑнарсене ӳкерчӗҫ.